منگلورو ،21؍ اگست (ایس او نیوز) شہر کے مہاکالی پڈپو علاقے میں آج صبح دو عورتیں اس وقت ہلاک ہوگئیں جب ریلوے ٹریک کراس کرتے ہوئے ٹرین کی زد میں آگئیں ۔
بتایا جاتا ہے کہ یہ خواتین بیڑی باندھنے کا کام کرتی تھیں اور بندھی ہوئی بیڑیاں برانچ میں جمع کرنے کے لئے جارہی تھیں۔ حادثہ کی اطلاع ملنے پر ریلوے پولیس نے جائے وقوع پر پہنچ کر معائنہ کیا اور جانچ شروع کرتے ہوئے لاشوں کو پوسٹ مارٹم کے لئے وینلاک ہاسپٹل بھیج دیا ۔
